قراری آلدین الیمدن
اوزون ایستر سوزیوی بیرده دیلیمنن
طاقتی ده اول غمیله پوکولن خسته بلیمنن
غملی آوازی تلیمنن
بوسئلی آخدیریب عشقین کی گوزومنن
نئجه اونلاری سیلیم من
اورگینده گیزله دن قایغیلاری سویله بیلیم من
اینتیظار ائتمه بو سنسیز گچیدن گونلریمی یاده سالیب همده گولوم من
سن کی آرام و قراری بو سینیق قلبیدن آلدین
ائله بیر قصه یاراتدین جهانا ولوله سالدین
گنج وقتینده قوجالدین
آنا جان
من سنه لیلی اولوب سنده منه مجنون اولوبسان
عشقیدن باده آلیب گاه بوشالیب گاه دا دولوبسان
بیزیم عشقیله سولوبسان
عشقین ببیی یاتمیشیدی آمما سنین سسله اویاندی
سنین عشقینله بویاندی
بو کونوللر آنالار عشقینه یاندی
سن گئدر کن من ایناندیم کی بوتون دونیا یالان دی
آنا جان
بیرده کونول عشقیوی هئچ باشدان آتانماز
گئجه سنسیز دا یاتانماز
بو الیم اللریوه بیرده چاتانماز
سنین هجرین ده چکن قایغینی هئچ درده قاتانماز
سویله دیم هیجره بو دردین نه یامان دی
گولشی آغلاماسی بیردی، هامان دی
سنین اول یاندیریجی اود، آلاویندان به بیزه هاردا گوماندی
بیزی یاندیرما آمان دی
باشیمیز چن دی، دومان دی
نه یازیم اسگی زامان دی
«محزونون » حالی یامان دی
محزونون حالی یامان دی
